Santu Sperau est a tretu de mesu intru de is bias mannas 130 e 131. Chi nci boleis arribai de sa 130, sa bia chi si nci pòrtat partit de Dèximu (Decimomannu). Chi nci boleis arribai de sa 131, sa bia chi si nci pòrtat partit de Muristenis (Monastir).

In prus, s'agàtant totu is bias provintzialis cun is atras biddas, cumenti sa de Sestu, Ussana e Biddesorris (Villasor). Sa mapa, pigada de Google, dd'agatais innoi a suta.

A intrus de sa bidda, s'Ofìtziu de sa Lìngua Sarda est in su Comunu bèciu, a su primu pranu, impari a sa Pro Loco, chi a su pranu 'e terra ddoi est s'Ofìtziu turìstigu. Seus in bia de Risorgimento n. 31. Sa mapa de sa bidda, pigada sempri de Google, dd'agatais innoi a suta. Su cuadrixeddu arrùbiu est s'Ofìtziu de sa Lìngua Sarda, su cuadrixeddu birdi est su Comunu. De bia de Dèximu andais a sa 130, de bia de Casteddu a sa 131 e de bia de Risorgimento andais a sa 131 prus a Susu o a Ussana.